Ərzaqlar:
200 q xama
75 q kərəyağı
1 st şəkər tozu
2 ədəd yumurta
1,5 st un
1 paket qabartma tozu
50 q kişmiş
50 q qoz ləpəsi
1 ç.q şəkər kirşanı
Hazırlanması:
Kişmişi təmizləyib, yuyub, quruduruq. Qoz ləpəsini xırda doğayırıq.
Yumurtanı şəkər tozu ilə çalırıq.
Kərəyağını əridib ilıq olanda toküb çalırıq.
Xamanı əlavə edib çalırıq.
Unu və qabartma tozunu töküb çalırıq.
Xəmiri balaca qablara tökürük. Üstünə kişmiş ilə qoz səpirik.
180 dərəcə qızdırılmış sobada tam bişənədək bişiririk.
Soyuduqdan sonra zövqə görə üstünə şəkər kirşanı səpirik.
Nuş olsun!
