Ərzaqlar:
100 q kərə yağı
200 q xama
3 ədəd yumurta
1 st şəkər tozu
1 paket qabartma tozu
1 ədəd limon qabığı
3 st un
Şirəsi üçün:
1/2 st şəkər tozu
1 ədəd limonun suyu
Hazırlanması:
Yumşaq kərə yağını, şəkər tozunu və yuyulub sürtgəcdən keçirilmiş limon qabığını mikserlə çalırıq.
Yumurtanı əlavə edib çalırıq.
Xamanı əlavə edib tam qarışanadək çalırıq.
Qabartma tozunu və unu əlavə edib əvvəl aşağı sürətlə mikserlə çalırıq sonra isə qaşıqla yaxşı qarışdırırıq.
Qabı kərə yağı ilə yağlayırıq.
Xəmiri qaba tökürük.
180 dərəcə qızdırılmış sobada 45 dəqiqəyə bişiririk.
Keks bişənədək şirəsini hazırlayırıq. Limonun suyunu bir qaba sıxıb üstünə şəkər tozunu tökürük.
Qazanı ocağa qoyub dayanmadan qarışdırırıq. Şəkər tozu əriyən kimi tez götürürük.
Keks sobadan çıxan kimi üstünə soyuq şirəni tökürük.
Tamam soyuduqdan sonra qabdan çıxarırıq.
Zövqə görə istəsəniz üstünə şəkər kirşanı səpə bilərsiniz.
Nuş olsun!
