Ərzaqlar:
1,5 kq toyuğun bud dibi əti (toyuq əti)
2 x.q pomidor məti (tomat)
2 x.q alça turşusu
1/3 st zeytun yağı
3 x.q qatıq
Duz
Istiot
Hazırlanması:
Toyuğun ətini təmizləyib yuyuruq.
Ətin üstünə qatıq, pomidor məti, turşu, zeytun yağı,duz və istiot töküb qarışdırırıq.
Bu qarışığı axşamdan düzəldib sabahı bişirsəniz daha dadlı olur.Qarışığı ən azı 2 saat saxladıqdan sonra qaba kağız sərib yan yana yığırıq.
200-220 dərəcə qızdırılmış sobada qızaranadək bişiririk.
Bir tərəfi qızardıqda o biri üzünü çeviririk.Qızarmış toyuq ətini isti-isti süfrəyə veririk.
Nuş olsun!
