Azərbaycanın milli xörəklərindən biridir.
Ərzaqlar:
250 q soğanla çəkilib duz və isitiot vurulmuş ət
2 ədəd baş soğan
3 x.q əridilmiş kərə yağı
1 ç.q pomidor məti və ya 2-3 ədəd pomidor
Duz
Istiot
Xəmir üçün:
2 st un
1/2 st ilıq su
1 ədəd yumurta
1 ç.q duz
Yaymaq üçün:
2-3 x.q un
Zövqə görə nanə qurusu ya da keşniş
Hazırlanması:
Xəmiri hazırlamaq üçün bir qaba unu ələyib üstünə yumurta, su və duz əalavə edib normal xəmir yoğururuq.
Xəmiri iki yerə bölüb kündəliyirik.
Kündənin birini götürüb yayırıq.
Kündənin birini götürüb az un səpib nazik yuxa yayırıq.
Yuxanı 2×2 sm enində kəsirik.
Hər balaca kvadrata az ət qoyuruq.
Birini əlimizə alıb kvadratı uç-uca sonra isə yanlarını birləşdiririk.
Bu şəkildə iki yuxanın ikisini də yayıb kəsib bükürük. Düşbərələri bükdükdə zövqə görə un vura bilərsiniz. Un vurduqda suyu bulanıq və qatı olur.
Soğanın qabığını soyub xırda doğrayırıq.Yağ və duz əlavə edib qızılı rəngdə olanadə qovururuq. Sonra pamidor mətini töküb 2-3 dəqiqə yenə qovururuq.
Su əlavə edirik. Duz tökürük.
Su qaynamağa başlayanda bükdüyümüz düşbərələri töküb qarışdırırıq.
Düşbərələr 5-10 dəqiqəyə bişib hazır olacaq. Hazır olana yaxın üstünə zövqə görə duz və istiotunu əlavə edirik.Üstünə nanə qurusu ya da keşniş doğrayıb tökürük.
Zövqə görə düşbərəni süfrəyə verəndə yanında sarımsaqla sirkə qoyulur. (Sarımsaq əzilib sirkə ilə qarışdırılır.)
Nuş olsun!
