Ərzaqlar:
1,5 kq toyuq əti
5 ədəd baş soğan
4-5 yumurta
2 x.q əridilmiş kərə yağı
1/2 ç.q sarıkök
Duz (zövqə görə)
İstiot (zövqə görə)
Hazırlanması:
Doğranmış toyuğu 30-40 dəqiqə suya duz töküb, bişiririk.
Soğanı doğrayıb duz səpib, əvvəlcə yağda qovururuq. Sonra sarıkök töküb, qarışdırıb, az qovururuq.
Bişmiş toyuğu soğanın üstünə əlavə edib, duz və istiotunu töküb, 5-10 dəqiqə qovururuq.
Əgər toyuğun əti tam bişməyibsə, qovurandan sonra az bulyon tökürük.
Suyu çəkilib, yağa düşəndə yumurtaları sındırıb, duz, istiot səpib, çalıb, yeməyə əlavə edirik.
Yumurta özünü tutub bişəndə o biri tərəfini də çevirib tam bişiririk.
Nuş olsun!
