Ərzaqlar:
1 st qatıq
1/2 st duru yağ
125 q kərə yağı
2 ədəd yumurta (1 yumurta sarısı üzü üçün saxlanılır)
1 paket qabartma tozu
1/2 ç.q duz
4,5 st un
İçlik üçün:
250 q hazır bişmiş qiymə
Üz üçün:
1 ədəd yumurta sarısı
1 x.q küncüt
Hazırlanması:
İçlik üçün 250 q çəkilmiş ətə bir baş soğanı çəkib tökürük. Yağda hazır olanadək bişiririk.
Dərin bir qaba yumşaq kərə yağını, duru yağı, qatığı, duzu, qabartma tozunu və yumurtanı töküb qarışdırırıq.
Sonra üstünə az-az un töküb qarışdırıb sonra əlimiz ilə yumşaq xəmir düzəldirik.
Xəmirdən 24-25 ədəd kündə düzəldirik.
Kündənin birini götürüb əlimiz ilə uzunsov yayırıq.
İçlikdən 1 x.q qoyub bükürük. Bükülən tərəfi alta olmaqla soba qabına kağız səpib yığırıq.
Bu şəkildə hamısını düzəldirik.
Üzünə yumurta çəkib küncüt səpirik.
190-200 dərəcə qızdırılmış sobada üzü qızaranadək bişiririk.
Nuş olsun!
