Azərbaycanın milli plov (aş) növlərindən biridir.
Ərzaqlar:
500 q çəkilmiş qoyun əti
2 ədəd baş soğan
3 st uzun düyü
4 x.q əridilmiş kərə yağı
500 q təmizlənmiş şabalıd
5-6 ədəd albuxara
10-12 ədəd zoğal
1 x.q zəfəran
Keşniş
Çay qaşığının ucunda darçın
Duz
Istiot
Hazırlanması:
Şabalıdı təmizləmək üçün baxın: [url=http://resept.az/Sabalidin-temizlenmesi-2818.html]Şabalıdın təmizlənməsi[/url]
Düyünü adi qaydada bişirib süzürük. Zəfəranı dəmləyib üstünə tökürük.Qazana az yağ töküb əritdikdən sonra düyünü tökürük. Üstünə əridilmiş kərə yağı töküb dəm almağa qoyuruq. Aş 1 saata dəm alacaq.
Soğanı sürtgəcdən keçiririk.(ya da soğan ilə əti ət maşınından keçiririk) Ətə soğanı duzu, istiotu və darçını əlavə edib yaxşı qarışdırırıq.
Tavaya 2 x.q əridilmiş kərə yağı töküb istidirik. Ətdən balaca küfdəçiklər düzəldib tavaya yığırıq.
Küftəcikləri yağda qovururuq. Suyu çıxaçaq. 30 dəqiqə vam odda oz suyunda bişir. Arada qarışdırırıq.Sonra təmizlənmiş şabalıdı, turşunu və zoğalı əlavə edib 3-5 dəqiqə qovururuq.Zövqə görə duz və istiotunu da tökürük.
Az su ya da bulyon töküb (1/3 st su ya bulyon) vam odda bişməyə qoyuruq. Yağa düşənə qədər bişiririk.
Bişməyə 5 dəq qalmış keşnişi xırda doğrayıb üstünə tökürük.
Düyünü qaba təpəcik şəklində yığıb üstünə küftəcikli qovurmadan qoyub qaynar əridilmiş yağ töküb süfrəyə veririk.
Nuş olsun!
