Italyan mətbəxi – burada yemək hazırlamaq sadəcə aclığı qarşılamaq üçün deyil, həm də damaq zövqünü qacıqlandıracaq bir sənətdir.

Sirr deyil ki, hər birimiz bəzən sırf xəbərdar olmaq xatirinə belə olsa daim fərqli mətbəxlərə aid reseptləri dadmağa çalışırıq. Bunlardan bəzilərini bir daha sınamayırıq, bəzilərinin isə dadı sözün əsl mənasında damağımızda qalır. Anacaq bəziləri də var ki, onların elə ilk dəfə dadına baxdıqda  daha əvvəl bilmədiyiniz, istifadə etmədiyiniz üçün bir xeyli təəssüflənir və bir müddət tez tez istifadə etməyə başlayırsınız.  Sanki, əvvəlki illərin əvəzini çıxarsınız. Pesto sousu tam da bu ləzzətlərin başında gəlir. Fərqli dadı və asan hazırlanması Pestonu favoritiniz olması üçün ən iddialı namizəd  edir. Klaasik bir İtalyan ləzzətidir Pesto, ağzınıza aldığınız ilk parçada buözünəməxsus narın dadı hiss edirsiniz. Pesto bir makaron sousu kimi bilinsə də, yaradıcılığınıza görə çox yerdə isitifadəyə əlverişlidir. Məsələn, təzə çörəyin üzərinə sürtüb üstünə də pomidor dilimləri və pendir qoyaraq həfis bir sendviç hazırlaya bilərsiniz. Hazırlanması da çox asandır pestonun, beş dəqiqəlik işdir. Üsdəlik reseptinə də sadiq qalmaq məcburiyyətində deyilsiniz. İnqrediyentləri öz zövqünüzə görə artırıb azalda və ya bəzilərini əzəzləyə bilərsiniz.  Klassik Pesto zeytun yağı, sarımsaq, reyhan yarpağı, şam fıstığı, duz və parmezanla hazırlanan bir sousdur. Ancaq siz məsələn sarımsağı, zeytun yağınının miqdarını öz damaq dadınıza görə tənzimləyə bilər, şam fıstığı yerinə qoz ləpəsi və ya hər ikisini istifadə edə bilərsiniz. 

Pesto mənşəyini İtalyanın Genoa bölgəsindən almaqda və əzmək, döymək mənasına gələn “pestare” sözündən törəməktədir. Demək ki, günümüzdə blender və ya mətbəx robortlarında hazırlanan reseptin əsli, qədimi döyülərək hazırlananıdır. Mütləq ki, döyülmə ət çəkilmə ətdən ləzzətli olduğu kimi, əzilərək hazırlanan Pesto da daha ləzzətli olar. 
Hər nə qədər baxdığım heç bir mənbədə bir biriylə eyni olan iki pesto reseptinə rastlamasam da mən sınayıb sevdiyim resepti sizinlə bölüşürəm. Pesto – sadəlik və qeyri adiliyin harmoniyasıdır.
Bir də, Parmezan çox bahalı olduğu üçün istifadə etməyə də bilərsiniz. Fəqət Parmezan aldınızsa o zaman soyuducuda cox saxlamadan, bitənə qədər özünüz üçün bir neçə gün İtalyan mətbəxi günü elan edin 🙂
 
Pesto Sousu
Ərzaqlar:
  • 2 normal dəstə ağ reyhan
  • 3 diş sarımsak
  • 1 armudu stekan zeytun yağı
  • 50 gr. şam fıstığı (marketlərdə 25 qr. paket olaraq satılır)
  • duz, istiot
  • 50 qr. Parmezan pendiri
Hazırlanması:
  • Reyhanın yarpaqlarını qoparıb, yuyub, quruduruq.
  • Fıstığı isti tavada 1-2 dəqiqə qovururuq.
  • Blenderdə əvvəl sarımsaq və fıstıqları doğraylrlq. Üzərinə reyhan yarpağını, zövqə görə düz, istiot, zeytun yağını əlavə edib doğrayırıq və ən son parmezan pendirini əlavə edirik və birlikdə doğrayırıq.
  • Sousumuz hazırdır. Şüşə qaba yığıb soyuducuda bir neçə gün saxlaya da bilərsiniz.

 Qeyd: duz qaya duzu olursa daha yaxşıdır. istiot isə klassik reseptlərdə yoxdur amma bü gün raslaşdığınız əksər restoranda istifadə edilir.

Comments

comments

OXŞAR RESEPTLƏRMORE FROM AUTHOR