Xam döşəmə plov



Ərzaqlar:



4 st düyü

500 q ət

500 q təmizlənmiş şabalıd

1/2 st kişmiş

6-7 ədəd xurma

6-7 ədəd qaysı

6-7 ədəd albuxara

3-4 x.q əridilmiş kərə yağı

1/2 ç.q sarıkök ya da zəfəran

Duz

Istiot

Qazmaq üçün:

3 x.q qatıq

1 ədəd yumurta


Hazırlanması:

Düyünü yuyub suya qoyuruq.

Xırda doğranmış əti yuyub üstünə duz və istiot səpib qarışdırırıq.



Kişmişi, qaysını, xurmanı və albuxaranı yuyuruq. Bir tavada üstünə əridilmiş kərə yağından töküb az qovururuq.



Təmizlənmiş şabalıdı tavaya töküb üstünə duz səpib yağ töküb az qovururuq.



Düyünü adi qaydada bişirib süzürük. Üstünə sarıkök ya da dəmlənmiş zəfəran tökürük.



Qazana az yağ töküb qızdırırıq.



Qatıq ilə yumurtanı qarışdırıb az düyü də əlavə edib qazanın dibində qalınlığı 1 sm olan qazmaq düzəldirik. Üstünə az adi düyüdən tökürük.



Əti düyünün üstünə yığırıq.



Ətin üstünə qovurduğumuş şabalıd və kişmiş qarışığını tökürük.



Üstünə tənzif ya da qab qoyuruq.



Qalan düyünü də üstünə töküb yağ verib dəm almağa qoyuruq.



Qazanın qapağına dəsmal qoyub aşı 2-2,5 saat vam odda dəm almağa qoyuruq.



Plovu qaba təpəcik şəklində yığıb ortasına əti kənarlarına kişmiş, şabalıd,albuxara, qaysı, xurma və qazmaq düzüb yağ töküb süfrəyə veririk.



Nuş olsun!

OXŞAR YAZILAR
.Toyuğun döş əti ilə sobada kartoflu yemək
Ərzaqlar: 1 ədəd toyuğun döş əti 2 ədəd kartof 4 x.q duru yağ 2 diş sarımsaq 50 q kaşar ya holland pendiri Duz İstiot Hazırlanması: Karto
.Toyuğun döş əti ilə bibərli yemək
Ərzaqlar: 1 ədəd toyuğun döş əti 2 ədəd bibər (hər birinin yarısı) 4 x.q duru yağ 1 balaca baş soğan 50 q kaşar ya holland pendiri 3 x.q pomidor
.Sobada qiyməli badımcan
Ərzaqlar: 6-7 ədəd badımcan 350 q çəkilmiş ət 2 ədəd baş soğan 2 ədəd pomidor 2 x.q əridilmiş kərə yağı 2 diş sarımsaq Duz İstiot Badımcanlar
.Sobada qiyməli makaron 2
Ərzaqlar: 1 paket düz makaron 350 q çəkilmiş ət 1 ç.q pomidor ləti 3 ədəd baş soğan 2 x.q əridilmiş kərə yağı 3 x.q duru yağ 100 q kaşar pendir
.Kirəmit qabda souslu kotlet
Ərzaqlar: 500 q çəkilmiş qoyun əti 2 ədəd baş soğan 6-7 ədəd kartof 6-7 ədəd pomidor 6 diş sarımsaq 1 ədəd yumurta 100 q kaşar ya da holland pe
Şərh yaz
Adınız:
Email: saytda görsənməyəcək
Mətn
Kod gizli kod Yenilə
Kodu yaz

Şərhlər
Reseptaz (13 mart 2014 22:47)
Təşəkkür edirəm.Nuş olsun.
murad (11 mart 2014 15:08)
cox sagolun terifleriniz cox gozel iydi usagimin ad gunun de hami beyendi
Reseptaz (12 yanvar 2014 20:35)
Çox sağ olun. Cavan mal əti ya da qoyun əti ola bilər. Toyuqla bişirmək istəyirsinizsə onda saytmızda döşəməli aş var ondan bişirin dadı damağınızda qalacaq. çox dadlı aşdır.İnanıram ki xoşunuz gələcək.Nuş olsun.
Günay (12 yanvar 2014 15:25)
Əllərinizə sağlık.Mən belə aş bişirməmişəm, mütləq hazırlayacam.Yaxşı bəs ət qoyun ətidi?Bu aşı çolpadan eləmək olar?

Bu saytdakı bütün reseptlər və üzərində resept.az logosu olan bütün şəkillər resept.az-a məxsusdur və heç bir halda izinsiz olaraq istifade edilə bilməz. Əlaqə üçün: reseptaz@yahoo.com adresinə müraciət edin.