Milli Mətbəximizdən Parça döşəmə plov



Azərbaycanın milli plov (aş) növlərindən biridir.

Ərzaqlar:



5 st uzun düyü

1 k.q qoyun əti

4 xq əridilmiş kərə yağı

3-4 ədəd baş soğan

2/3 st kişmiş

7-8 ədəd albuxara ya da sarı alça turşusu

2 x.q zirinc

1 x.q zəfəran

1/4 ç.q zirə

Duz

Istiot

Qazmaq üçün

3 x.q qatıq

1 ədəd yumurta


Hazırlanması:

Əvvəlcə düyünü 5-6 dəfə yuduqdan sonra üstünə ilıq su töküb qoyuruq.

Əti xırda hissələrə böldükdən sonra yuyuruq.Üstünə su əlavə edib hazır olana qədər bişiririk. Əvvəl suyu qaynamağa başlayanda kəfini yığırıq. Bişməyə yaxın duz tökürük.



Kişmişi, turşunu(albuxaranı), zirinci təmizləyib yuyuruq. Yumurta ilə qatığı qarışdırırıq.



Zəfəranın üstünə qaynar su töküb dəm almağa qoyuruq.



Soğanın qabığını soyub yuyub xırda doğrayırıq.



Soğanın üstünə yağ və duz töküb qızılı rəngdə olana qədər qızardırıq.



Qızardılmış soğanın üstünə bişmiş zirinci, turşunu və kişmişi töküb 5-10 dəqiqə qovururuq.



Bişmiş əti bulyondan çıxarıb üstünə zəfəran şirəsi, istiot və darçın səpib qarışdırırıq.



Böyük qazanda su qoyuruq. Suya duz tökürük. (5 litrlik qazana 2-dolu x.q duz) Qaynayanda yuyulmuş düyünü töküb bişiririk. Düyünü tökən kimi qarışdırın ki, bir birinə yapışmasın. Düyü tam bişməmiş onu süzürük. Üstünə dəmlədiyimiz zəfarandan tökürük.



Qazana az yağ töküb əridirik.



Bişmiş düyüdən az töküb qatıq qarışığı əlavə edib, qazanın dibinə 1 sm qalınlıqda yayıb tarazlayırıq.



Düyüdən az töküb əti tökürük.



Ətin üstündən soğanla qovurduğumuz kişmiş, zirinc və alçanı (albuxaranı) tökürük.



İstəsəniz üstünə nimçə qoyub sonra düyünü tökə bilərsiniz. Qalan düyünü əlavə edib yağ töküb aşı dəm almağa qoyuruq. Aş 1 saata dəm alacaq. Düyüyə zövqə görə istəsəniz zirə tökə bilərsiniz.





Aşı süfrəyə verdikdə boşqaba təpəcik şəklində düyü çəkilir, üstünə qarasından qoyulur və qaynar yağ tökülür.



Nuş olsun!


OXŞAR YAZILAR
.Yumşaq ət kotleti
Ərzaqlar: 500 q çəkilmiş ət 1 ədəd baş soğan 4 x.q suxarı ½ st su 2 x.q duru yağ 1/3 limon suyu Duz İstiot Ç.q ucunda sarıkök 1 ç.q nan
.Toyuq kotleti
Ərzaqlar: 500 q toyuğun döş əti 100 qr quyruq 1 ədəd baş soğan 3 x.q suxarı 1/3 st su 1 x.q duru yağ Ç.q ucunda sarıkök Duz İstiot Qızartma
.Kiyev kotleti 2
Ərzaqlar: 600 q toyuğun döş əti 100 q kərə yağı Duz İstiot 2 ədəd yumurta 5-6 x.q un 8-9 x.q suxarı Qızartmağa duru yağ Hazırlanması:
.Qovurmalı əriştə plovu
Ərzaqlar: 500 q xırda doğranmış quzu əti 100-150 q quyruq 2 ədəd yuxanın əriştəsi 3 st düyü 4 ədəd baş soğan 4 x.q əridilmiş kərə yağı Duz İst
.Tənbəl mantısı
Ərzaqlar: (4 nəfər üçün) Xəmir üçün: 3 st un 1 st su 1 ədəd yumurta 1 ç.q duz Yuxaları yaymaq üçün əlavə un İçlik üçün: 250 q çəkilmiş ət
Şərh yaz
Adınız:
Email: saytda görsənməyəcək
Mətn
Kod gizli kod Yenilə
Kodu yaz


Bu saytdakı bütün reseptlər və üzərində resept.az logosu olan bütün şəkillər resept.az-a məxsusdur və heç bir halda izinsiz olaraq istifade edilə bilməz. Əlaqə üçün: reseptaz@yahoo.com adresinə müraciət edin.