Albalılı qozlu plov



Ərzaqlar:



4 st düyü
300 q çəkilmiş ət
4 ədəd baş soğan
6 x.q əridimiş kərə yağı
100 q kişmiş
100 q qaysı
50 q qoz ləpəsi
250 q tumu çıxarılmış albalı
1 x.q şəkər tozu
Ç.q ucunda limon duzu
Ç.q ucunda sarıkök
Ç.q zəfəran
Duz
Istiot
Qazmaq üçün:

1 st un
50 q yağ
1 ədəd yumurta
Bir çimik duz
Ç.q ucunda sarıkök

Hazırlanması:

Düyünü yuyub duzlu suda islağa qoyuruq.Zəfəranın üstünə qaynar suyu töküb dəm almağa qoyuruq.

Unun üstünə duzu və sarıkökü töküb qarışdırırıq.


Yağı əlavə edib ovuruq.

Yumurtanı əlavə edib normal xəmir düzəldirik.

Xəmiri qazanın ölçüsündə yayırıq.

Düyünü adi qaydada duzlu suda bişirib süzürük.Suyuna limon duzu tökürük. Süzdükdən sonra üstünə zəfərən dəmi tökürük.

Plovu dəmləyəcəyimiz qazana az yağ töküb əridirik.

Yayılmış xəmiri yağın üstünə qoyub yerləşdiririk. Xəmiri istədiyiniz formada kəsə bilərsiniz.

Süzülmüş düyünü xəmirin üstünə töküb üstünə yağ əlavə edib 1 saatlıq dəm almağa qoyuruq.
Qabığı soyulub yuyulmuş iki soğanı nazik uzun doğrayırıq.
Qaysını doğrayırıq. Kişmiş ilə qaysını təmizələyib yuyuruq.
Qoz ləpəsini blenderdən keçiririk.

Doğranmış soğanın üstünə duz, yağ əlavə edib qızılı rəngdə olanadək qovururuq.

Sonra yuyulmuş kişmiş ilə qaysının yarısını tökürük.
3-5 dəqiqə qovurduqdan sonra şəkər tozunu,qozu və albalını əlavə edirik.
Qarışdırırıq. 10-15 dəqiqə vam odda bişiririk.


Çəkilmiş ətin üstünə 2 soğanı blenderdən ya da ət çəkən maşından keçirib tökürük. Üstünə yağ,sarıkök, duz və istiot əlavə edib qaydada qiyməni bişənədək qovururuq.
Hazır olduqdan sonra kişmiş ilə qaysının yarısını əlavə edirik. 5 dəqiqə kimi qovurub götürürük.


Plov dəm aldıqda düyünü qaba təpəcik şəklində yığırıq. Sonra hər iki qara(xuruş) və qazmaq ilə plovu bəzəyirik. Plovun üstünə qaynar yağ töküb süfrəyə veririk. Qaraları düyünün yanında ayrıca qabda da verə bilərsiniz.

Nuş olsun!


OXŞAR YAZILAR
.Yumşaq ət kotleti
Ərzaqlar: 500 q çəkilmiş ət 1 ədəd baş soğan 4 x.q suxarı ½ st su 2 x.q duru yağ 1/3 limon suyu Duz İstiot Ç.q ucunda sarıkök 1 ç.q nan
.Toyuq kotleti
Ərzaqlar: 500 q toyuğun döş əti 100 qr quyruq 1 ədəd baş soğan 3 x.q suxarı 1/3 st su 1 x.q duru yağ Ç.q ucunda sarıkök Duz İstiot Qızartma
.Kiyev kotleti 2
Ərzaqlar: 600 q toyuğun döş əti 100 q kərə yağı Duz İstiot 2 ədəd yumurta 5-6 x.q un 8-9 x.q suxarı Qızartmağa duru yağ Hazırlanması:
.Qovurmalı əriştə plovu
Ərzaqlar: 500 q xırda doğranmış quzu əti 100-150 q quyruq 2 ədəd yuxanın əriştəsi 3 st düyü 4 ədəd baş soğan 4 x.q əridilmiş kərə yağı Duz İst
.Tənbəl mantısı
Ərzaqlar: (4 nəfər üçün) Xəmir üçün: 3 st un 1 st su 1 ədəd yumurta 1 ç.q duz Yuxaları yaymaq üçün əlavə un İçlik üçün: 250 q çəkilmiş ət
Şərh yaz
Adınız:
Email: saytda görsənməyəcək
Mətn
Kod gizli kod Yenilə
Kodu yaz

Şərhlər
Ayla (06 oktyabr 2015 00:47)
Cox sag olun mohtesem reseptler verirsiniz. Ellerivize sagliq bizi orqetdiyiniz ucun tesekku edirem.
Reseptaz (01 oktyabr 2015 08:49)
cox sag olun, nus olsun
Gulmira (30 sentyabr 2015 16:59)
Bir sozle mohtewem..size cox cox sagol demey isteyiremki her terefli aydin wekilde izah edirsiz.men yemey,sirniyyat biwirmeyi sizden.,yeni sizin saytdan oyrenmiwem..helede yeniliklerinizi gozleyirem..ugurlar size..eliniz qolunuz var olsun..

Bu saytdakı bütün reseptlər və üzərində resept.az logosu olan bütün şəkillər resept.az-a məxsusdur və heç bir halda izinsiz olaraq istifade edilə bilməz. Əlaqə üçün: reseptaz@yahoo.com adresinə müraciət edin.