Yarpaq xingalı



Azərbaycanın milli xörəklərindən biridir.

(4-5 nəfərlik)

Ərzaqlar:



Xəmir üçün:

3 st un

1 yumurta

1 ç.q dolu duz

4/5 st su

Xəmiri yaymaq üçün 2-3 x.q əlavə un götürürük.

Üstü üçün:

500 q hazır qiymə (Qiyməni hazırlayanda soğanı çox olsun)

1 böyük kasa qatıq

2 diş sarımsaq (zövqə görə)


Hazırlanması:

Qiyməni hazırlamaq üçün bax: Qiymənin hazırlanması

Unu yumurtanı və duzu bir qaba töküb ilıq su ilə normal xəmir yoğururuq.





Xəmirdən 4 ədəd kündə düzəldirik.



Adi yuxadan bir az qalın yuxa yayırıq. Yuxanı romb şəklində kəsirik. Bu şəkildə bütün yuxaları yayıb kəsirik.



Qatıq ilə əzilmiş sarımsağı qarışdırırıq.



4 litrlik suya 1ç.q duz əlavə edib qaynadırıq. (İstəsəniz yuxalarınız heç bir–birinə yapışmasın suya 1-2 x.q  yağ  tökə bilərsiniz). Bu yuxaları 2 dəfəyə töküb, bişiririk. Yuxanı tökə-tökə suyu qarışdırırıq ki, bir-birinə yapışmasın. Yuxalar 5-10 dəqiqəyə bişir. (Bu da sizin yuxanızın qalınlığından asılıdır) Hazır olan kimi aşsüzəndən süzürük.

Birinci dəfə süzdüyümüz suyu yenidən qazana töküb qaynadıb ikinci dəfəki yuxaları töküb bişirib süzürük.



Boşqablara sarımsaqlı qatıq töküb yayırıq.



Süzdüyümüz xəngəldən tökürük. Yenə üstünə sarımsaqlı qatıq töküb qiyməni əlavə edirik. Zövqə görə əlavə əridilmiş yağ da tökə bilərsiniz.



Qeyd: Bu xəngəli qatıq əvəzinə bəzi bölgələr qurut ilə yeyirlər.

Nuş olsun!


OXŞAR YAZILAR
.Yumşaq ət kotleti
Ərzaqlar: 500 q çəkilmiş ət 1 ədəd baş soğan 4 x.q suxarı ½ st su 2 x.q duru yağ 1/3 limon suyu Duz İstiot Ç.q ucunda sarıkök 1 ç.q nan
.Toyuq kotleti
Ərzaqlar: 500 q toyuğun döş əti 100 qr quyruq 1 ədəd baş soğan 3 x.q suxarı 1/3 st su 1 x.q duru yağ Ç.q ucunda sarıkök Duz İstiot Qızartma
.Kiyev kotleti 2
Ərzaqlar: 600 q toyuğun döş əti 100 q kərə yağı Duz İstiot 2 ədəd yumurta 5-6 x.q un 8-9 x.q suxarı Qızartmağa duru yağ Hazırlanması:
.Qovurmalı əriştə plovu
Ərzaqlar: 500 q xırda doğranmış quzu əti 100-150 q quyruq 2 ədəd yuxanın əriştəsi 3 st düyü 4 ədəd baş soğan 4 x.q əridilmiş kərə yağı Duz İst
.Tənbəl mantısı
Ərzaqlar: (4 nəfər üçün) Xəmir üçün: 3 st un 1 st su 1 ədəd yumurta 1 ç.q duz Yuxaları yaymaq üçün əlavə un İçlik üçün: 250 q çəkilmiş ət
Şərh yaz
Adınız:
Email: saytda görsənməyəcək
Mətn
Kod gizli kod Yenilə
Kodu yaz

Şərhlər
Günel Ələkbərova (09 iyun 2016 15:16)
Şəklə baxdıqca insanın iştahası açılır. Əladır.
Guler (28 iyun 2015 16:02)
Beh- beh en sevdiyim yemekdi.
Reseptaz (14 noyabr 2014 12:23)
sag olun..
ilkin (14 noyabr 2014 10:04)
allah caniniz; sağ eləsin

Bu saytdakı bütün reseptlər və üzərində resept.az logosu olan bütün şəkillər resept.az-a məxsusdur və heç bir halda izinsiz olaraq istifade edilə bilməz. Əlaqə üçün: reseptaz@yahoo.com adresinə müraciət edin.