Süzmə xingal



Azərbaycanın milli xörəklərindən biridir.

Ərzaqlar:

(3 nəfərlik)

Xəmir üçün:



2 st un

1/2 ç.q duz

1 yumurta

1/3 st ilıq su

Yuxaları yaymaq üçün 2-3 x.q un

Üstü üçün:

400-500 q qoyun əti

3 ədəd baş soğan

2 x.q əridilmiş kərə yağı

1 ç.q zəfəran

Duz

Istiot

Yanında yemək üçün:

Qatıq

Sarımsaq (zövqə görə)

Ağ pendir


Hazırlanması:

Soğanın qabığını soyduqdan sonra yuyub dörd bölüb nazik doğrayırıq. Zəfəranın üstünə qaynar su töküb dəm almağa qoyuruq.



Soğanın üstünə duz və əridilmiş yağ töküb qızılı rəngdə olanadək qızardırıq.



10-15 qramlıq tikələrə doğranmış qoyun ətini suda bişirdikdən sonra qızardılmış soğanın üstünə əlavə edib 10 dəqiqə qovururuq.



Dəmlənmiş zəfəran suyunu ətin üstünə töküb duz və istiotu əlavə edib yağa düşənə qədər bişiririk. Ət qovurmamız hazırdı.



Ələnmiş una duz, yumurta və su əlavə edib qaşıqla qarışdırırıq.



Əlimizlə normal xəmir yoğururuq.



Xəmiri üç hissəyə bölürük.



Kündələrin hamısını un səpib nazikdən bir az qalın yuxa yayırıq.



Yuxaları romb şəklində kəsirik.



4 l qazanda su qaynadıb 1 ç.q duz əlavə edib kəsdiyimiz yuxaları hamısını bir-bir tez töküb qarışdırırıq.(İstəsəniz suya 1-2 x.q bitki yağı tökün onda yuxalar bir-birinə yapışmayacaq.)



5-10 dəqiqə qaynadıqdan sonra aşsüzəndə süzürük.



Süzülmüz xingalı boşqablara yığıb üstünə ət qovurmamızı tökürük və yanında yemək üçün sarımsaqlı qatıq və ovulmuş pendir qoyuruq. Zövqə görə istəsəniz əlavə olaraq yeməyə əridilmiş yağ tökə bilərsiniz.



Nuş olsun!


OXŞAR YAZILAR
.Yumşaq ət kotleti
Ərzaqlar: 500 q çəkilmiş ət 1 ədəd baş soğan 4 x.q suxarı ½ st su 2 x.q duru yağ 1/3 limon suyu Duz İstiot Ç.q ucunda sarıkök 1 ç.q nan
.Toyuq kotleti
Ərzaqlar: 500 q toyuğun döş əti 100 qr quyruq 1 ədəd baş soğan 3 x.q suxarı 1/3 st su 1 x.q duru yağ Ç.q ucunda sarıkök Duz İstiot Qızartma
.Kiyev kotleti 2
Ərzaqlar: 600 q toyuğun döş əti 100 q kərə yağı Duz İstiot 2 ədəd yumurta 5-6 x.q un 8-9 x.q suxarı Qızartmağa duru yağ Hazırlanması:
.Qovurmalı əriştə plovu
Ərzaqlar: 500 q xırda doğranmış quzu əti 100-150 q quyruq 2 ədəd yuxanın əriştəsi 3 st düyü 4 ədəd baş soğan 4 x.q əridilmiş kərə yağı Duz İst
.Tənbəl mantısı
Ərzaqlar: (4 nəfər üçün) Xəmir üçün: 3 st un 1 st su 1 ədəd yumurta 1 ç.q duz Yuxaları yaymaq üçün əlavə un İçlik üçün: 250 q çəkilmiş ət
Şərh yaz
Adınız:
Email: saytda görsənməyəcək
Mətn
Kod gizli kod Yenilə
Kodu yaz

Şərhlər
Guler (28 iyun 2015 16:22)
Xengel cox biwirem amma hec vaxt bele tikt etle etmemwem hemiwe qovrulmuw etle hazirlayiram emeinemki bele de dadli olur.

Bu saytdakı bütün reseptlər və üzərində resept.az logosu olan bütün şəkillər resept.az-a məxsusdur və heç bir halda izinsiz olaraq istifade edilə bilməz. Əlaqə üçün: reseptaz@yahoo.com adresinə müraciət edin.