Əriştə plov



Ərzaqlar:



500 q toyuq əti (ya da mal və ya qoyun əti)

2 st düyü

3 baş soğan

4 x.q əridilmiş kərə yağı

Duz

Istiot

Əriştə üçün:

1 st un

1/4 ç.q duz

1/4 st ilıq su

1/2 ədəd və ya 1 ədəd balaca yumurta


Hazırlanması:

Əriştəni hazırlamaq üçün; Əriştə xəmiri baxa bilərsiniz.

Qurudulmuş əriştəni yağsız tavada qovururuq.



Soğanın qabığını soyub dörd bölüb nazik doğrayırıq.



Soğanı tavaya töküd yağ və duz əlavə edib qızılı rəngdə olanadək qovururuq.



Toyuq ətini yuyub təmizləyib üstünə duz və istiot töküb qarışdırırıq.



Başqa tavaya yağ töküb qızdırıb toyuq ətini qızardırıq.



Qızarmış toyuq ətini qovrulmuş ssoğanın üstünə töküb qarışdırırıq. 10-15 dəqiqə vam odda bişiririk. Zövqə görə duz və istiotuna bir daha baxırıq.



Düyünü yuyub suda islağa qoyduqdan sonra qaynayan duzlu suya tökürük.

Düyü az bişən kimi qovrulmuş əriştəni əlavə edirik.



Əriştə ilə düyü bişdikdə süzürük. (Əriştə ilə düyünü elə bişirmək lazımdır ki nə tez olmasın nə də çox bişməsin)



Qazana az yağ töküb qızdırırıq. Sonra süzülmüş düyü ilə əriştəni tökürük. Üstünə yağ da əlavə edib plovu 50 dəqiqə ya 1 saat dəm almağa qoyuruq. (İstəsəniz plovun dibinə lavaşdan qazmaq edə bilərsiniz)



Dəm almış plovu qaba çəkib üstünə toyuq qızartmasını yığırıq. Qaynar əridilmiş yağ töküb süfrəyə veririk.



Qeyd: Əriştə əvəzinə xırda vermeşel(şəhriyyədən) istifadə edə bilərsiniz. Vermeşeli qovurub sonra düyü ilə eyni qaydada bişirə bilərsiniz. (1 st xırda vermeşelə 2 st düyü götürülür)

Nuş olsun!


OXŞAR YAZILAR
.Yumşaq ət kotleti
Ərzaqlar: 500 q çəkilmiş ət 1 ədəd baş soğan 4 x.q suxarı ½ st su 2 x.q duru yağ 1/3 limon suyu Duz İstiot Ç.q ucunda sarıkök 1 ç.q nan
.Toyuq kotleti
Ərzaqlar: 500 q toyuğun döş əti 100 qr quyruq 1 ədəd baş soğan 3 x.q suxarı 1/3 st su 1 x.q duru yağ Ç.q ucunda sarıkök Duz İstiot Qızartma
.Kiyev kotleti 2
Ərzaqlar: 600 q toyuğun döş əti 100 q kərə yağı Duz İstiot 2 ədəd yumurta 5-6 x.q un 8-9 x.q suxarı Qızartmağa duru yağ Hazırlanması:
.Qovurmalı əriştə plovu
Ərzaqlar: 500 q xırda doğranmış quzu əti 100-150 q quyruq 2 ədəd yuxanın əriştəsi 3 st düyü 4 ədəd baş soğan 4 x.q əridilmiş kərə yağı Duz İst
.Tənbəl mantısı
Ərzaqlar: (4 nəfər üçün) Xəmir üçün: 3 st un 1 st su 1 ədəd yumurta 1 ç.q duz Yuxaları yaymaq üçün əlavə un İçlik üçün: 250 q çəkilmiş ət
Şərh yaz
Adınız:
Email: saytda görsənməyəcək
Mətn
Kod gizli kod Yenilə
Kodu yaz

Şərhlər
Reseptaz (02 sentyabr 2015 23:02)
Təşəkkür edirik.
gunay (25 avqust 2015 08:59)
resept.az size sual verirem cavaB vermirsiz bes bu resepleri nus bura qoymusuz
gunay (25 avqust 2015 08:58)
dadli yemekdi men bisirmisem xanimlara meslehetdi bisirib yesinler

Bu saytdakı bütün reseptlər və üzərində resept.az logosu olan bütün şəkillər resept.az-a məxsusdur və heç bir halda izinsiz olaraq istifade edilə bilməz. Əlaqə üçün: reseptaz@yahoo.com adresinə müraciət edin.