Badımcan plov



Azərbaycanın milli plov (aş) növlərindən biridir.

Ərzaqlar:



1 kq düyü

500 q sümüksüz qoyun əti

4 ədəd badımcan

1 ədəd pomidor

3 ədəd baş soğan

1 balaca dəstə keşniş

1 balaca dəstə şüyüd

3 x.q əridilmiş kərə yağı

Zəfəran (sarıkök)

Duz

Istiot

Qazmaq üçün:

1 ədəd yumurta

3 x.q qatıq


Hazırlanması:

Əvvəlcə düyünü 5-6 dəfə yuduqdan sonra suya qoyuruq.

Xırda doğranmış ətə duz və istiot vurub qarışdırırıq.



Tavaya yağ töküb qızdırırıq və əti əlavə edib qızardırıq.



Badımcanın qabığını soyun kub şəklində doğrayırıq. Üstünə duz töküb 10-15 dəqiqə saxladıqdan sonra acı suyunu çıxarıb yuyuruq.

Qızardılmış ətin üstünə badımcanı əlavə edib az duz töküb qızardırıq.



Soğanın qabığını soyub yuduqdan sonra xırda doğrayırıq.



Doğranmış soğanı ətin üstünə əlavə edib qızılı rəngdə olana qədər qızardırıq.



Pomidoru yuyub qabığını soyub xırda doğrayırıq.



Doğranmış pomidoru qızartmaya əlavə edirik.



Qapağı örtülərək həzin odda hazır olana qədər bişiririk. Hazır olana yaxın xırda doğranmış göyərtiləri əlavə edirik. Zövqə görə yeməyin duz və istiotunu da əlavə edirik. Badımcan qovurmamız hazırdır.



Adi qaydada düyünü suda bişirib süzürük. Düyünün üstünə zəfəran suyu ya da sarıkök səpirik.



Qazana az yağ töküb əridirik. Sonra yumurta ilə qatığı çalıb qazana tökürük. Düyüdən az əlavə edib qarışdırırıq. Qarışığı 1 sm qalınlıqda qazanın dibinə yayırıq.



Qalan düyünü də qazmağın üstünə əlavə edib yağ töküb aşı dəm almağa qoyuruq. Aşımız 1 saata dəm alacaq.



Plovu süfrəyə verərkən qovurmanı ayrıca qoyub düyünü qazmaqla bəzəyib yağ töküb verə bilərsiniz. Ya da düyünü qaba çəkib üstünü qazmaqla və ətli badımcan qovurması ilə bəzəyib yağ töküb süfrəyə verə bilərsiniz.



Nuş olsun!

OXŞAR YAZILAR
.Qovurmalı əriştə plovu
Ərzaqlar: 500 q xırda doğranmış quzu əti 100-150 q quyruq 2 ədəd yuxanın əriştəsi 3 st düyü 4 ədəd baş soğan 4 x.q əridilmiş kərə yağı Duz İst
.Tənbəl mantısı
Ərzaqlar: (4 nəfər üçün) Xəmir üçün: 3 st un 1 st su 1 ədəd yumurta 1 ç.q duz Yuxaları yaymaq üçün əlavə un İçlik üçün: 250 q çəkilmiş ət
.Sobada tərəvəzli kotlet
Ərzaqlar: 500 kq çəkilmiş qoyun əti 4 ədəd balaca baş soğan 2 ədəd kök 1 ədəd bibər 4-5 ədəd pomidor 150 q pendir 1 x.q əridilmiş kərə yağı + 2
.Toyuğun döş əti ilə sobada kartoflu yemək
Ərzaqlar: 1 ədəd toyuğun döş əti 2 ədəd kartof 4 x.q duru yağ 2 diş sarımsaq 50 q kaşar ya holland pendiri Duz İstiot Hazırlanması: Karto
.Toyuğun döş əti ilə bibərli yemək
Ərzaqlar: 1 ədəd toyuğun döş əti 2 ədəd bibər (hər birinin yarısı) 4 x.q duru yağ 1 balaca baş soğan 50 q kaşar ya holland pendiri 3 x.q pomidor
Şərh yaz
Adınız:
Email: saytda görsənməyəcək
Mətn
Kod gizli kod Yenilə
Kodu yaz


Bu saytdakı bütün reseptlər və üzərində resept.az logosu olan bütün şəkillər resept.az-a məxsusdur və heç bir halda izinsiz olaraq istifade edilə bilməz. Əlaqə üçün: reseptaz@yahoo.com adresinə müraciət edin.