Arzuman küftəsi



Ərzaqlar:



1 ədəd toyuq

1 kq ət (500q mal əti+500q qoyun əti)

250 q təmizlənmiş şabalıd

3 ədəd baş soğan

5-6 ədəd albuxara

1 x.q alça turşusu

1/2 ç.q sarıkök

Duz

Istiot

Qeyd: Arzuman küftəsini bölgələr üzrə müxtəlif növdə bişirilir.

1. Yuxarıda göstərdiyimiz kimi.

2. Ətin içinə toyuq, toyuğun içinə bişmiş yumurta qoyub bişirilir.

3. Ətin içinə toyuq, toyuğun içinə bildirçin və bildirçinin içinə yumurta qoyulub bişirilir.

4. Sadə şəkildə ətin içinə bişmiş yumurta qoyularaq bişirilir.

5. Bəzən suyuna kartof əlavə olunub bişirilir.

6. Bəzən də ətinə düyü də əlavə olunur.



Hazırlanması:

Toyuğu (cücəni) təmizləyib yuyub üstünə sarıkök, duz, istiot və içinə alça turşusu vururuq. İçinə şabalıdı az duzlayıb albuxara ilə yığırıq.



Əti ətçəkən maşından soğanla bərabər keçiririk. Ətə duz, istiot və sarıkök vurub yaxşı qarışdırırıq.



Əti yuyulmuş təmiz tənzifin üstünə yumru yayırıq.



İçi doldurulmuş toyuğu ətin ortasına qoyuruq.



Ehtiyatla tənzifin köməkliyi ilə hərtərəfli bükürük.



Tənzifin ağız hissəsini bağlayırıq. Böyük qazana 5 l su töküb duz əlavə edirik. Su qaynayanda qazanın ağzına oxlov qoyub bağladığımız arzuman küftəsini oxlova keçiririk. Qazana salırıq. Su əvvəlcə gür odda qaynayır kəfini yığırıq. Sonra normal oda qoyub 2,5-3 saat bişiririk. Suyuna sarıkök də əlavə edirik. (Bəzən suya ət bişənə yaxın kartof da əlavə edib bişirirlər)



Bişmiş arzuman küftəsini sudan çıxarırıq.

Bir qaba qoyuruq. Suyunu qablara tökürük. Zövqə görə suyuna nanə qurusu səpirik.

Bəzən də suyuna keşniş və cəfəri tökülür. Süfrəyə verildikdə yanında nanə qurusu və sumaq verilir.





Nuş olsun!


OXŞAR YAZILAR
.Yumşaq ət kotleti
Ərzaqlar: 500 q çəkilmiş ət 1 ədəd baş soğan 4 x.q suxarı ½ st su 2 x.q duru yağ 1/3 limon suyu Duz İstiot Ç.q ucunda sarıkök 1 ç.q nan
.Toyuq kotleti
Ərzaqlar: 500 q toyuğun döş əti 100 qr quyruq 1 ədəd baş soğan 3 x.q suxarı 1/3 st su 1 x.q duru yağ Ç.q ucunda sarıkök Duz İstiot Qızartma
.Kiyev kotleti 2
Ərzaqlar: 600 q toyuğun döş əti 100 q kərə yağı Duz İstiot 2 ədəd yumurta 5-6 x.q un 8-9 x.q suxarı Qızartmağa duru yağ Hazırlanması:
.Qovurmalı əriştə plovu
Ərzaqlar: 500 q xırda doğranmış quzu əti 100-150 q quyruq 2 ədəd yuxanın əriştəsi 3 st düyü 4 ədəd baş soğan 4 x.q əridilmiş kərə yağı Duz İst
.Tənbəl mantısı
Ərzaqlar: (4 nəfər üçün) Xəmir üçün: 3 st un 1 st su 1 ədəd yumurta 1 ç.q duz Yuxaları yaymaq üçün əlavə un İçlik üçün: 250 q çəkilmiş ət
Şərh yaz
Adınız:
Email: saytda görsənməyəcək
Mətn
Kod gizli kod Yenilə
Kodu yaz

Şərhlər
arzuman kufteciyi (26 iyun 2015 19:03)
salam. xanimlar, arzuman kufteciyi cox dadli idi. tam adima layiq. ellerinize sagliq, qadanizi alim
Reseptaz (28 yanvar 2015 22:44)
Yarımçıq örtürük. Nuş olsun.
ayten (27 yanvar 2015 21:11)
Arzuman kuftesin oxlova kecirende qapagini nece ortek bissin
Reseptaz (03 mart 2014 23:47)
Çox sağ olun.
aska (03 mart 2014 23:42)
əlləriniz dərd görməsin!
Reseptaz (08 fevral 2014 22:30)
Təşəkkür edirəm.
sona (27 dekabr 2013 20:26)
ellerinize sagliq

Bu saytdakı bütün reseptlər və üzərində resept.az logosu olan bütün şəkillər resept.az-a məxsusdur və heç bir halda izinsiz olaraq istifade edilə bilməz. Əlaqə üçün: reseptaz@yahoo.com adresinə müraciət edin.