Albalılı plov



Azərbaycanın milli plov (aş) növlərindən biridir.

Ərzaqlar:



3 st uzun düyü

500 q qoyun ya da mal əti

4 ədəd baş soğan

4 x.q əridilmiş kərə yağı

400 q albalı (təzə ya da soyuducuda saxlanılmış)

Duz

Istiot

Zəfəran

Qazmaq üçün:

1 ədəd yumurta

3 x.q qatıq


Hazırlanması:

Əti xırda doğrayıb duzlu suda bişiririk. Albalının tumunu çıxardırıq. Düyünü yuyub suda islağa qoyuruq.

Zəfəranın üstünə qaynar su töküb dəm almağa qoyuruq.



Soğanın qabığını soyub yuduqdan sonra iki bölüb nazik doğrayırıq.



Soğana yağ əlavə edib qızılı rəngdə olanadək qovururuq.



Qovrulmuş soğanın üstünə əti töküb qovururuq.



Albalını ət qovurmasının üstünə əlavə edirik. Duz və istiotunu da töküb qarışdırırıq. Suyu çəkilib yağa düşdükdə hazır olacaq.



Adi qaydada düyünü bişirib süzürük. Üstünə zəfəran suyu tökürük.



Qazana az yağ əlavə edib qızdırıb yumurta ilə qatığı töküb qarışdırırıq. Düyüdən də əlavə edib qarışdırıb qazanın dibinə qalınlığı 1 sm olmaqla yayırıq.



Qazmağın üstünə az düyü töküb hazırladığımız albalılı qovurmanı töküb yayırıq.



Qalan düyünü ətin üstünə əlavə edib yağ verib dəm almağa qoyuruq. Plov 1 saata dəm alacaq.



Plovu qaba çəkib üstünü qazmaq və əti ilə bəzəyib yağ töküb süfrəyə veririk.



Nuş olsun!


OXŞAR YAZILAR
.Yumşaq ət kotleti
Ərzaqlar: 500 q çəkilmiş ət 1 ədəd baş soğan 4 x.q suxarı ½ st su 2 x.q duru yağ 1/3 limon suyu Duz İstiot Ç.q ucunda sarıkök 1 ç.q nan
.Toyuq kotleti
Ərzaqlar: 500 q toyuğun döş əti 100 qr quyruq 1 ədəd baş soğan 3 x.q suxarı 1/3 st su 1 x.q duru yağ Ç.q ucunda sarıkök Duz İstiot Qızartma
.Kiyev kotleti 2
Ərzaqlar: 600 q toyuğun döş əti 100 q kərə yağı Duz İstiot 2 ədəd yumurta 5-6 x.q un 8-9 x.q suxarı Qızartmağa duru yağ Hazırlanması:
.Qovurmalı əriştə plovu
Ərzaqlar: 500 q xırda doğranmış quzu əti 100-150 q quyruq 2 ədəd yuxanın əriştəsi 3 st düyü 4 ədəd baş soğan 4 x.q əridilmiş kərə yağı Duz İst
.Tənbəl mantısı
Ərzaqlar: (4 nəfər üçün) Xəmir üçün: 3 st un 1 st su 1 ədəd yumurta 1 ç.q duz Yuxaları yaymaq üçün əlavə un İçlik üçün: 250 q çəkilmiş ət
Şərh yaz
Adınız:
Email: saytda görsənməyəcək
Mətn
Kod gizli kod Yenilə
Kodu yaz

Şərhlər
Reseptaz (08 fevral 2014 22:58)
Təşəkkür edirik.
zehra (25 oktyabr 2013 20:55)
iyi

Bu saytdakı bütün reseptlər və üzərində resept.az logosu olan bütün şəkillər resept.az-a məxsusdur və heç bir halda izinsiz olaraq istifade edilə bilməz. Əlaqə üçün: reseptaz@yahoo.com adresinə müraciət edin.